काठमाडौं । संघीय संसद्को चालु बजेट अधिवेशन आगामी दसैँसम्म सञ्चालन हुने भएको छ। सरकारले यस अवधिमा ठूलो संख्यामा विधेयक अघि बढाउने तयारी गरेसँगै संसद्मा कानुन निर्माणलाई प्राथमिकतामा राखिएको छ।
कानुन, न्याय तथा संसदीय मामिलामन्त्री सोविता गौतमले कार्यव्यवस्था परामर्श समिति बैठकमा सांसदहरूलाई प्रभावकारी रूपमा कानुन निर्माणमा सक्रिय हुन आग्रह गरिन्। उनले संसद्को बैठक दसैँअघिसम्म नियमित रूपमा सञ्चालन हुने र विधेयकको अभाव नरहेको बताइन्।
मन्त्री गौतमका अनुसार हालसम्म ९ वटा विधेयक संसद्मा दर्ता भइसकेका छन् भने सरकारले थप १५ देखि २० वटा विधेयक ल्याउने तयारी गरेको छ। सरकारको लक्ष्य करिब ३० वटा विधेयक अघि बढाउने रहेको उनले जानकारी दिइन्।
यसैबीच, कार्यव्यवस्था परामर्श समितिले साउन १४ गतेदेखि भदौ १० गतेसम्मको संसद् बैठकको कार्यतालिका स्वीकृत गरेको छ। स्वीकृत कार्यतालिकामा प्रधानमन्त्रीसँगको प्रत्यक्ष प्रश्नोत्तर कार्यक्रम भने समावेश गरिएको छैन।
संसद् सचिवालयका अनुसार भदौ १० गतेसम्म ९ वटा विधेयकमाथि काम गर्ने योजना छ। यस अवधिमा सम्बन्धित मन्त्रीहरूले विधेयकमाथिको जवाफ दिने, दुई वटा विधेयक पारित गर्ने, अन्य विधेयकलाई संसदीय समितिमा पठाउने तथा केही सन्धि–सम्झौताहरू संसद्मा प्रस्तुत गर्ने कार्यसूची तय गरिएको छ।
सम्बन्धित शीर्षकहरु
लोकप्रिय खबर
इन्भेस्टमेन्ट मेगा बैंक प्रकरणमा सर्वोच्चको हस्तक्षेप : इन्भेस्टमेन्ट मेगा बैंकका अध्यक्षसहित सञ्चालकलाई तत्काल पक्राउ नगर्न अन्तरिम आदेश
सिन्धुपाल्चोकको तातोपानी बीओपीमा सुख्खा पहिरोको क्षति, भवन र संरचनामा नोक्सानी
गृहमन्त्री गुरुङको चेतावनी: ‘जेनजीको आवरणमा राजनीति गर्न सडकमा नउभिनुस्’
राजमार्ग क्षेत्रका जग्गामा विकास कर ५ प्रतिशत बिन्दुले बढ्ने !
लगभग एकवर्षे मुख्यमन्त्री बन्न एमालेको शक्ति संघर्ष उत्कर्षमा
कानून सुधार तथा कानून निर्माण वर्षलाई प्रभावकारी बनाउन उच्चस्तरीय समितिको पहिलो बैठक सम्पन्न
प्रतिक्रिया दिनुहोस्
यस खबरमा अहिलेसम्म कुनै प्रतिक्रिया छैन। पहिलो प्रतिक्रिया लेख्नुहोस्।
आफ्नो प्रतिक्रिया लेख्नुहोस्