लगभग एकवर्षे मुख्यमन्त्री बन्न एमालेको शक्ति संघर्ष उत्कर्षमा

लगभग एकवर्षे मुख्यमन्त्री बन्न एमालेको शक्ति संघर्ष उत्कर्षमा

बागमती प्रदेशमा नयाँ सत्ता समीकरणपछि मुख्यमन्त्री पद एमालेको भागमा परेसँगै पार्टीभित्र नेतृत्वको प्रतिस्पर्धा तीव्र बनेको छ। मुख्यमन्त्री बन्ने विषयमा नेताहरूबीच विवाद, आरोप–प्रत्यारोप र आन्तरिक शक्ति संघर्ष चुलिएको छ।

चार वर्षदेखि अवसरको प्रतीक्षामा रहेका एमाले बागमती प्रदेश संसदीय दलका नेता जगन्नाथ थपलिया मुख्यमन्त्री बन्ने अपेक्षामा थिए। तर भक्तपुरबाट निर्वाचित किरण थापा मगर पनि दाबेदारका रूपमा अघि आएपछि प्रतिस्पर्धा झन् तीव्र भएको छ। थापा पार्टी सचिव तथा बागमती प्रदेश इन्चार्ज महेश बस्नेतका निकट र अध्यक्ष केपी शर्मा ओलीका विश्वासपात्र मानिन्छन्।