प्रधानमन्त्री शाहको कूटनीतिक सक्रियता बढ्यो, भारतीयपछि चिनियाँ राजदूतसँग पनि भेटवार्ता सम्पन्न

२५ साउन, काठमाडौं । प्रधानमन्त्री बालेन्द्र शाहले नेपालका लागि चिनियाँ राजदूत झाङ माओमिङसँग भेटवार्ता गरेका छन्।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा सोमबार दिउँसो भएको भेटवार्तालाई शिष्टाचार भेटका रूपमा लिइएको प्रधानमन्त्रीको सचिवालयले जनाएको छ।

भेटका क्रममा नेपाल–चीन सम्बन्ध, आपसी सहकार्य तथा द्विपक्षीय चासोका विषयमा सामान्य छलफल भएको बताइएको छ। यद्यपि, भेटवार्तामा भएका छलफलका विस्तृत विषय भने सार्वजनिक गरिएको छैन।

प्रधानमन्त्री शाहले सोमबार नै नेपालका लागि भारतीय राजदूत नवीन श्रीवास्तवसँग पनि भेटवार्ता गरेका थिए।

प्रधानमन्त्री बनेपछि शाहले नेपालका दुई प्रमुख छिमेकी मुलुकका राजदूतसँग एकै दिन गरेको भेटवार्तालाई कूटनीतिक वृत्तमा चासोका साथ हेरिएको छ।