सरकारी कर्मचारी, नेपाली सेना र प्रहरीको नयाँ तलब लागू, कसको तलब कति बढ्यो? (हेर्नुस् सूची)

काठमाडौँ । सरकारले आर्थिक वर्ष २०८३/०८४ को बजेटबाट बढाएको तलबमान लागु गरेको छ ।

मन्त्रिपरिषद्को साउन ६ गतेको बैठकबाट साउन १ गतेदेखि लागु हुनेगरी तलबमान, ग्रेड, प्राविधिक ग्रेड र प्रोत्साहन भत्ताका सम्बन्धमा निर्णय भएको उल्लेख गर्दै अर्थ मन्त्रालयको बजेट तथा कार्यक्रम महाशाखाले बुधबार सबै मन्त्रालय, आयोग, सचिवालय र कार्यालयलाई पत्राचार गर्दै नयाँ तलबमान र सुविधा सम्बन्धमा जानकारी गराएको हो । अर्थ मन्त्रालयका शाखा अधिकृत केदारकुमार श्रेष्ठले लेखेको परिपत्रमा भनिएको छ, ‘संवत् २०८३ साल साउन १ गते देखि लागु हुनेगरी निजामती कर्मचारी, नेपाली सेना, नेपाल प्रहरी, सशस्त्र प्रहरी बल नेपाल स्वास्थ्य सेवा, संसद सेवा, सामुदायिक विद्यालयमा कार्यरत शिक्षक र प्रदेश तथा स्थानीय तहमा कार्यरत कर्मचारी (निवृत्तभरण प्रयोजन)को संलग्न अनुसूची १ देखि ८ सम्मको नयाँ तलबमान एवं एक दिनको तलब बराबरको ग्रेड रकम र वृद्धि पश्चात् कायम हुने तलबमानको १० प्रतिशत मासिक प्रोत्साहन भत्ता बापतको रकम कायम गर्ने ।’