लमही। दाङको देउखुरीमा यात्रुवाहक बस र अटो एकआपसमा ठोक्किदा दुई जनाको मृत्यु भएको छ । तीन जना घाइते भएका छन् ।
लमहीबाट भालुवाङतर्फ जाँदै गरेको लुम्बिनी प्रदेश ०२–००१ ह १५७१ नम्बरको अटो र भालुवाङबाट लमहीतर्फ आउँदै गरेको लुम्बिनी प्रदेश ०२ – ००१ ख ०११९ नम्वरको यात्रुवाहक बस सोमबार लमही नगरपालिका –३ मजगाउँ चोकमा एकआपसमा ठोक्किदा दुर्घटना भएको हो ।
दुर्घटनामा अटोमा सवार प्युठानको सरुमारानी गाउँपालिका –५ हातिखालकी ४५ वर्षीया नमसरी बराल र दुई महिनाकी शिशु जेनिसा सोमै मगरको मृत्यु भएको जिल्ला प्रहरी कार्यालय दाङका सूचना अधिकारी एवं प्रहरी नायव उपरीक्षक डा. हेमबहादुर केसीले जानकारी दिए । उनका अनुसार दुवै जनाको उपचारको क्रममा लमही अस्पतालमा मृत्यु भएको छ ।
प्युठानबाट लमहीबजार आएर प्युठान फर्किने क्रममा अटो दुर्घटनामा परेको हो । पूर्वतर्फ जाँदै गरेको ट्रकलाई उछिनेर अघि बढ्नेक्रममा विपरित दिशाबाट तीव्र गतिमा आइरहेको बससँग अटो ठोक्किएको प्रहरीले जनाएको छ ।
दुर्घटनामा अटोचालक सरुमारानी गाउँपालिका–५ पाखापानीका जीतबहादुर पल्ली मगर, सोही ठाउँकी संगीत सोमै मगर र नौबहिनी गाउँपालिका–८ लुप्लुङका २८ वर्षीय गोपाल अधिकारी घाइते भएका छन् । घाइते तीनै जनाको लमही अस्पतालमा उपचार भइरहेको जिल्ला प्रहरी कार्यालय दाङका प्रहरी प्रवक्ता डा. केसीले जानकारी दिए ।
लोकप्रिय खबर
पत्रपत्रिकामा किन राख्नु हुँदैन समोसा, पकौडा लगायतका खानेकुरा
मन्त्रीपरिषद्को बैठकले गरेका पाँच निर्णयहरु
कांग्रेसमा २९७ सदस्यीय केन्द्रीय समिति हुने
स्थानीय तहको प्रशासनमा फेरिँदै व्यवस्था, प्रमुख प्रशासकीय अधिकृत स्थानीय सेवाकै हुने
गगनको कांग्रेस बदल्ने संकेत
विभिन्न भूभागमा वर्षाको सम्भावना
प्रतिक्रिया दिनुहोस्
यस खबरमा अहिलेसम्म कुनै प्रतिक्रिया छैन। पहिलो प्रतिक्रिया लेख्नुहोस्।
आफ्नो प्रतिक्रिया लेख्नुहोस्