दक्षिण अफ्रिकामा जन्मिएकी भारतीय मूलकी पूर्वन्यायाधीश नवनथेम ‘नवी’ पिल्लईले सन् २०२६ को नोबेल शान्ति पुरस्कार जितेको समाचारमा उल्लेख छ। संयुक्त राष्ट्रसंघकी पूर्वमानव अधिकार उच्चायुक्त तथा अन्तर्राष्ट्रिय न्यायिक क्षेत्रमा सक्रिय पिल्लईलाई मानव अधिकार संरक्षण, युद्ध अपराधको जवाफदेहिता र अन्तर्राष्ट्रिय कानुनको सम्मानका लागि पुर्याएको योगदानको कदर गर्दै पुरस्कार प्रदान गरिएको जनाइएको छ।
सन् १९४१ मा दक्षिण अफ्रिकाको डरबनमा जन्मिएकी पिल्लईले रंगभेदी शासनविरुद्ध कानुनी संघर्ष गरेकी थिइन्। सन् १९९५ मा उनी दक्षिण अफ्रिकाको उच्च अदालतमा नियुक्त हुने पहिलो महिला बनेकी थिइन्। उनले सन् २००३ देखि २००८ सम्म अन्तर्राष्ट्रिय फौजदारी अदालतको न्यायाधीश र सन् २००८ देखि २०१४ सम्म संयुक्त राष्ट्रसंघको मानव अधिकार उच्चायुक्तका रूपमा काम गरेकी थिइन्।
यस वर्षको पुरस्कारका लागि २८७ उम्मेदवार रहेका थिए। पुरस्कारको राशि करिब १२ लाख अमेरिकी डलर रहेको र डिसेम्बर १० मा ओस्लोमा आयोजना हुने समारोहमा प्रदान गरिने समाचारमा उल्लेख छ।
लोकप्रिय खबर
लोकप्रिय मेयर प्रकाश भण्डारी : कर्णालीबाट केन्द्रीय नेतृत्वको यात्रामा
तीन दशकको अनुभव बोकेको शिखर सुजले युवा लक्षित नयाँ डिजाइन बजारमा ल्यायो
यो वर्ष दशैँ टीकाको साइत बिहान १०:२६ बजे
कांग्रेसमा २९७ सदस्यीय केन्द्रीय समिति हुने
मन्त्रीपरिषद्को बैठकले गरेका पाँच निर्णयहरु
पत्रपत्रिकामा किन राख्नु हुँदैन समोसा, पकौडा लगायतका खानेकुरा
प्रतिक्रिया दिनुहोस्
यस खबरमा अहिलेसम्म कुनै प्रतिक्रिया छैन। पहिलो प्रतिक्रिया लेख्नुहोस्।
आफ्नो प्रतिक्रिया लेख्नुहोस्