काठमाडौँ । नेपाल मौसम विज्ञान विभागका अनुसार बुधबारसम्म देशका विभिन्न स्थानमा वर्षाको सम्भावना रहेको छ ।
हाल देशभर कोशी, बागमती, गण्डकी र लुम्बिनी प्रदेशका साथै कर्णाली र सुदूरपश्चिम प्रदेशका पहाडी भूभागमा साधारणतया बादल लागेको छ । बाँकी भूभागमा आंशिक बादल लागेको छ ।
बागमती, गण्डकी र लुम्बिनी प्रदेशको थोरै स्थानमा तथा कोशी प्रदेशको एक, दुई स्थानमा मेघगर्जन, चट्याङसहित मध्यम वर्षा भइरहेको छ । विभागका अनुसार सोमबार राति कोशी, बागमती र गण्डकी प्रदेशको हिमाली भूभागका एक, दुई स्थानमा मेघगर्जन चट्याङसहित हल्का वर्षा, हिमपातको सम्भावना छ । कोशी, बागमती, गण्डकी, लुम्बिनी प्रदेशको पहाडी भूभागका थोरै स्थानमा तथा कर्णाली र सुदूरपश्चिम प्रदेशको पहाडी भूभागको एक, दुई स्थानमा मेघगर्जन चट्याङसहित मध्यमसम्मको वर्षाको सम्भावना छ ।
मङ्गलबार देशभर साधारणतया बादल लाग्ने तथा बुधबार हिमाली र पहाडी भूभागमा साधारणतया बादल लाग्नेछ । सो दिन कोशी, बागमती, गण्डकी, लुम्बिनी प्रदेशको हिमाली भूभागको थोरै स्थनमा तथा कर्णाली र सुदूरपश्चिम प्रदेशको हिमाली भूभागको एक–दुई स्थानमा मेघगर्जन चट्याङसहित मध्यम वर्षा, हिमपातको सम्भावना छ ।
बुधबार बागमती, गण्डकी, लुम्बिनी र सुदूरपशिचम प्रदेशको तराई भूभगमा साधारणतया बादल तथा बाँकी तराई भूभागमा आंशिक बादल लाग्नेछ । लुम्बिनी र सुदूरपश्चिम प्रदेशको पहाडी र तराई भूभाग तथा गण्डकी प्रदेशको पहाडी भूभागका एक, दुई स्थानमा भारी वर्षाको सम्भावना छ ।
सो दिन देशको हिमाली भूभागको थोरै स्थनमा र पहाडी भूभागको केही स्थानमा मेघगर्जन चट्याङसहित मध्यमसम्मको वर्षा हुने सम्भावना रहेको महाशाखाले जनाएको छ ।
लोकप्रिय खबर
शिखर सुजका नयाँडिजाइनका जुत्ता बजारमा !
कसरी लगाउने दशैको टीका
नेपाल टेलिकमको एनपीएल अनलिमिटेड प्याकेज
सुदूरपश्चिम रोयल्स पहिलोपटक एनपीएल च्याम्पियन, लुम्बिनीमाथि १० विकेटको शानदार जित
सरकारी कर्मचारी, नेपाली सेना र प्रहरीको नयाँ तलब लागू, कसको तलब कति बढ्यो? (हेर्नुस् सूची)
त्रिविले अध्ययन बिदाबाट नफर्कने शिक्षक–कर्मचारीबाट १६ करोड ५० लाख असुल






प्रतिक्रिया दिनुहोस्
यस खबरमा अहिलेसम्म कुनै प्रतिक्रिया छैन। पहिलो प्रतिक्रिया लेख्नुहोस्।
आफ्नो प्रतिक्रिया लेख्नुहोस्