काठमाडौं । डा. धवलशमशेर राणा र दुर्गा प्रसाईंको नेतृत्वमा गठन हुन लागेको जय नेपाल पार्टी आगामी साउन २८ गते निर्वाचन आयोगमा दर्ता हुने तयारीमा छ।
पार्टीको चुनाव चिह्नका लागि ‘त्रिभुज’, ‘घर’ र ‘नमस्कार’ तीन विकल्पमा छलफल भइरहेको छ। नेपाल लोकतान्त्रिक पार्टीसँग एकता भए ‘नमस्कार’ चिह्न प्रयोग गर्ने सम्भावना रहे पनि हाल ‘त्रिभुज’ नै सबैभन्दा बलियो विकल्प मानिएको नेताहरूले बताएका छन्।
पार्टी दर्ताका लागि सयभन्दा बढी केन्द्रीय सदस्य सहितको नामावली तयार पारिँदै छ। विधान निर्माणका लागि माधव कल्पित र दर्ता प्रक्रियाका लागि मुकुन्दश्याम गिरी नेतृत्वको कार्यदल गठन गरिएको छ। पार्टीको केन्द्रीय कार्यालय चाबहिलमा सञ्चालनमा आएको छ।
यसैबीच, पार्टीभित्र महिला र युवा प्रतिनिधित्व पर्याप्त नभएको भन्दै असन्तुष्टि देखिएको छ। महिला नेतृ अञ्जना शाह रावल र राजनीतिक विश्लेषक रञ्जन कार्कीले समावेशी नेतृत्व, युवा सहभागिता र डिजिटलमैत्री संगठन निर्माणमा जोड दिएका छन्।
नयाँ पार्टीमा धवलशमशेर राणा सभापति र दुर्गा प्रसाईं सर्वोच्च नेता रहने तयारी छ।
प्रतिक्रिया दिनुहोस्