दाङका बजारमा चहलपहल बढ्यो , सावधानी अपनाउन बिज्ञको सुझाव
![](http://khabarshala.com/wp-content/uploads/2020/09/tilasipur-BAZAR-1-1.jpg)
घोराही । दाङ सहित देशभर कोरोनाको जोखिम बढेपछि ६ महिनादेखि बन्द रहेका विभिन्न क्षेत्र खुल्न थालेका छन् । दैनिक रुपमा बजारमा नागरिकको चहलपहल बढ्दै गएको छ ।
कोरोनाको जोखिम कम नभए पनि जनजीवन र आर्थिक गतिबिधिलाई सहज बनाउन भन्दै सरकारले होटल सहितका ब्यापार ब्यवसायसँगै सार्वजनिक यातायातका सवारीसाधन चल्न दिने निर्णय गरेको छ ।
सम्पुर्ण ब्यापार ब्यवसायसँगै लामो तथा छोटो दुरीका सवारीसाधन चल्न थालेपछि दाङका मुख्य बजार घोराही, तुलसीपुर र लमही लगाएतका स्थानमा नागरिकको चहलपहल बढ्दो देखिएको छ ।
विद्यालय, मनोरञ्जनस्थल, धार्मिक र सांस्कृतिक गतिविधि, भोजभतेर र जमघट बाहेक धेरै क्षेत्र खुला भएका छन । यसबाट संक्रमण झनै बढ्न सक्ने भएकाले सावधानी अपनाउनुपर्ने भएको छ । जोखिम कम नभए पनि धेरै क्षेत्र खुला भएपछि व्यक्ति आफैंले कोरोनाबाट बच्ने उपाय खोज्नुपर्ने विज्ञको सुझाव रहेको छ ।
प्रतिक्रिया दिनुहोस