विपदमा तुलसीपुरको सतर्कता, समस्या भए यी नम्बरमा फोन गर्नुहोस्
![](http://khabarshala.com/wp-content/uploads/2020/04/tulsipur-upamahanagar.gif)
कुनै पनि ठाउँमा विपद्को जोखिम आएको विपद् व्यवस्थापन समितिका संयोजक नवराज लामिछाने ९८५७८२१०९१, नगर प्रमुख सचिवालय ९८५७८२३८८५, विपद् शाखा प्रमुख भिमप्रकाश खत्री ९८४१४७१०३६, सूचना अधिकारी बाबुराम न्यौपाने ९८५७८२५३०७ र टोल फ्रि नम्वर १६६०८२५२००० मा सम्पर्क गर्न सकिने उपमहानगरपालिका विपद् शाखाले जनाएको छ ।
तुलसीपुर । भारी वर्षासँगै आउँन सक्ने सम्भावित जोखिमलाई मध्यनजर गरेर तुलसीपुर उपमहानगरपालिकाले सतर्कता अपनाएको छ । विपद् व्वस्थापन समितिका संयोजक नवराज लामिछानेका अनुसार बाढीको सम्भावित जोखिमलाई मध्यनजर गरेर सम्बन्धित सबैलाई सचेत वनाइएको छ । ‘बाढी आइसकेको अवस्थामा के गर्ने भन्ने बारेमा हामीले सबै तयारी गरेका छौ’ उनले भने ।
बाढीको सम्भावित जोखिममा भएका मानिसहरुलाई तत्काल सुरक्षित स्थानमा जानका लागि समेत उनले अनुरोध गरे । ‘कसैलाई सुरक्षित स्थान उपलब्ध नभएमा हामीलाई सम्पर्क गर्न सक्नुहुनेछ’ उनले भने । विपद्को जोखिममा परेकालाई कहाँ राख्ने भन्नका लागि हामीले केही सुरक्षित स्थानको व्यवस्था गरिएको पनि उनले जानकारी दिए ।
उपमहानगरपालिकाले विपद् व्यवस्थापनका लागि १९ वटै वडामा विपद् व्यवस्थापन समिति वनाएको समेत उनले बताए । ‘वडाध्यक्षको संयोजकत्वमा समिति पनि छ र विपद् सम्वन्धि बजेट पनि छ यसकारण धेरै समस्या वडाबाटै समाधान हुन्छ’ संयोजक लामिछानेले वताए ।
उनका अनुसार उपमहानगरपालिकामा विभिन्न क्षेत्रमा विपद् जोखिम नक्सांकन समेत गरिएको भन्दै तत्काल उद्दारका लागि प्रहरी र आर्मीलाई पनि परिचालन गर्न सकिने गरी काम नगाडि वढेको छ । पानीले कुलोको बाँध भत्काएको, केही घरभित्र पसेको लगायतका समस्या आएको र त्यस्ता समस्याको तत्काल समाधान गरिएको पनि उनले जानकारी दिए ।
कुनै पनि ठाउँमा विपद्को जोखिम आएको विपद् व्यवस्थापन समितिका संयोजक नवराज लामिछाने ९८५७८२१०९१, नगर प्रमुख सचिवालय ९८५७८२३८८५, विपद् शाखा प्रमुख भिमप्रकाश खत्री ९८४१४७१०३६, सूचना अधिकारी बाबुराम न्यौपाने ९८५७८२५३०७ र टोल फ्रि नम्वर १६६०८२५२००० मा सम्पर्क गर्न सकिने उपमहानगरपालिका विपद् शाखाले जनाएको छ । शाखाका अनुसार सम्वन्धित वडाध्यक्ष या जनप्रतिनिधिलाई पनि सम्पर्क गर्न सकिने जनाएको छ ।
प्रतिक्रिया दिनुहोस