दाङ– दाङमा १७ महिने बालिकाले कोरोना जितेकी छन्।

घोराही उपमहानगरपालिका वडा नं. १ निवासी ती बालिकालाई डिस्चार्ज गरिएको कोरोना विशेष अस्पताल बेलझुण्डीका व्यवस्थापक द्रोर्ण वलीले जानकारी दिए।

यस्तै घोराही उपमहानगरपालिका–४ र बबई गाउँपालिकाका एक–एक जनाले कोरोना जितेका छन्। घोराही–२ का १९, २६ र ३० वर्षीय तथा बबईका १९ बर्षीय पुरुषले कोरोना जितेर घर फर्केका छन्।

योसँगै बेलझुण्डी अस्पतालबाट हालसम्म ६३ जना कोरोना संक्रमित डिस्चार्ज भएका छन्। अहिले बेलझुण्डीमा ४८ संक्रमितको उपचार भइरहेको छ।