एकाबिहानै तुलसीपुरमा एक युवा मृत फेला
तुलसीपुर । एकाबिहानै तुलसीपुरमा एक युवक मृत अवस्थामा फेला परेका छन् । तुलसीपुर उपमहानगरपालिका– ९ मैनामगर निवासी २८ बर्षका मन्दिप भुजेल मृत फेला परेका हुन् । उनकाे गएराति हत्या भएको हुनसक्ने ईलाका प्रहरी कार्यालय तुलसीपुरका प्रमुख हरिहरनाथ याेगीले जानकारी दिए ।
अटोभिलेजदेखि करिब डेढ सय मिटर उत्तरतर्फ ज्ञानज्योति आधारभुत विद्यालयको भवन पछाडी भुजेल शनिवार बिहान मृत अवस्थामा फेला परेपछि स्थानीयहरूले प्रहरीलाई खबर गरेका थिए ।
प्रहरी निरीक्षक डम्बर पालको नेतृत्वमा घटनास्थल पुगेको प्रहरी टोली अनुसन्धान सुरु गरेको छ । यसैबिच प्रहरीले अनसुन्धानका लागि स्थानीय ३ जना युवकलाई नियन्त्रणमा समेत लिएको प्रहरीले जानकारी दिएकाे छ । मृतक भुजेलले अटोभिलेजमा काम गर्थे ।
प्रतिक्रिया दिनुहोस