कोभिड–१९ संक्रमणबाट विश्वभर २ लाख ८७ हजार वढीको मृत्यु
तुलसीपुर , वैशाख ३० : कोरोना भाइरस (कोभिड–१९) को संक्रमणका कारण ज्यान गुमाउनेको क्रम अझै रोकिएको छैन ।
विश्वका २१५ देशमा फैलिएको कोरोनाको संक्रमणका कारण २ लाख ८७ हजार भन्दा धेरैको ज्यान गइसकेको छ । मंगलबार बिहानसम्म कोरोना संक्रमणबाट २ लाख ८७ हजार २५० जनाको ज्यान गुमाएका छन् । सबैभन्दा धेरै अमेरिकामा ८१ हजार ७९५ जनाको ज्यान गएको छ ।
बेलायतमा ३२ हजार ६५, इटलीमा ३० हजार ७३९, स्पेनमा २६ हजार ७४४ जनाको कोरोना संक्रमणका कारण ज्यान गइसकेको छ । ब्राजिलमा ११ हजार ५१९ तथा जर्मनीमा ७ हजार ६६१ जनाको ज्यान गएको छ ।
विश्वभर ४२ लाख ५२ हजार ८०२ जना संक्रमित रहेका छन् ।
प्रतिक्रिया दिनुहोस