काठमाडौं । विश्‍वमा कोरोना भाइरस संक्रमणको पुष्‍टि भएकाको संख्या ९ करोड ९२ लाख ८३ हजार ७१२ पुगेको छ । पछिल्लो २४ घण्टामा ५ लाख ६० हजार १७० संक्रमित थपिएका छन् ।

अहिलेसम्म विश्‍वमा २१ लाख २८ हजार ५०५ जनाले कोभिड-१९ का कारण ज्यान गुमाएको वल्डोमिटर्सको तथ्यांकमा उल्लेख छ । तीमध्ये १३ हजार ५७३ जनाको मृत्यु पछिल्लो २४ घण्टामा भएको हो ।

संक्रमण देखिएकामध्ये ७ करोड १३ लाख ४० हजार ४९० जना कोरोनामुक्त भएका छन् ।

अहिले विश्‍वमा २ करोड ५८ लाख १४ हजार ७१७ सक्रिय संक्रमित छन् । तीमध्ये १ लाख १० हजार ८६३ जना गम्भीर बिरामी छन् ।