रुपन्देही । नेकपा एमालेले तीन निर्वाचन क्षेत्र रहेको दाङमा पार्टी महासचिव शंकर पोखरेल, पूर्व सांसदहरू कोमल वली तथा शान्ता चौधरीलाई संघीय निर्वाचनका लागि टिकट दिएको छ ।

दाङ निर्वाचन क्षेत्र नम्बर १ बाट शान्ता चौधरी, क्षेत्र नम्बर २ बाट शंकर पोखरेल र क्षेत्र नम्बर ३ बाट कोमल वलीले टिकट पाएका हुन् ।

क्षेत्र नं २ मा महासचिव पोखरेलको एकल नाम सिफारिस भए पनि क्षेत्र नं १ र ३ बाट तीन तीन जनाको नाम सिफारिस भएको थियो ।

क्षेत्र नं १ मा गंगा चौधरीले टिकट नपाएपछि स्वतन्त्रबाट उम्मेदवारी दिने आजै घोषणा गरेकी छन् भने ३ न क्षेत्रमा तुलसीपुरका पूर्व मेयर घनश्याम पाण्डेले टिकट नपाएको भन्दै विरोध भएको छ ।